azattyq - 3 days ago

Қытай Қазақстанда АЭС салу жобасы аясында Алматы және Жамбыл облысындағы белгіленген жерлерді зерттейді. Бұл туралы Атом энергиясы жөніндегі агенттік төрағасы Алмасадам Сәтқалиевқа сілтеп ҚазАқпарат хабарлады. Қытайлық мердігерлердің атом станциясын салуға қатысу мүмкіндігін зерттеу жөнінде тиісті меморандумға қол қойдық. Олар мүмкіндіктерді зерттеп жатыр. Шамасы, жағдай Росатоммен болған сценарийге ұқсас өрбиді деп келтірді агенттік Сәтқалиевтің сөзін. Агенттік төрағасының сөзінше, әуелі Қытай тарабы іздеу-жобалау жұмыстарын жүргізуге қызығушылық танытуы қажет. Бұл тұрғыда Алматы және Жамбыл облыстарындағы алаңдар зерттеледі. Біз қазір әкімдіктерге жүгініп, сол алаңдарды белгілеуді және зерттеу жұмыстарын жүргізуге рұқсат беруді сұрап отырмыз. Бұл жұмыстар аяқталғаннан кейін нақты қорытынды жасалады деді ол. Қазақстан билігі елде АЭС салу жайлы референдум өткізіп, оң нәтиже алған соң, екінші және үшінші станция салынатынын мәлімдеген. Алғашқы станцияны Росатом жетекшілік ететін консорциум салмақ. Екінші және үшінші станцияны Қытай компаниясы салмақ. Билік Қазақстан АЭС-ке зәру, станцияны салу энергия тапшылығын шешіп, экономиканы дамытуға серпін береді деп отыр. Референдум науқаны дау-дамауға толы болды. Елдің түрлі аумағында белсенді топ АЭС салуға наразылық білдіріп, бірқатар адам сотты болды.

Latest News

Hashtags:   

Сәтқалиев

 | 

Қытай

 | 

Қазақстанда

 | 

мүмкіндігін

 | 

зерттеп

 | 

жатыр

 | 

Sources