azattyq - 3 days ago

Бішкектегі Октябр аудандық соты Temirov Live, Kloop.kg ( Клооп Медиа қоғамдық қоры) және Айт, айт десе медиа жобаларының материалдарын және осы баспасөз құралдары жетекшілерінің қызметін экстремистік деп таныды. Сот баспасөз хабарламасында жоба жетекшілері аты-жөндерінің алғашқы әріптері келтірілген. Т.Б.М және Т.Р.Р. Болот Теміров пен Ринат Тухватшиннің инициалдарына ұқсайды. Сот үкіміне Октябрь аудандық прокуратурасының арызы түрткі болды. Үкімді Қырғызстан цифрлық даму және инновациялық технологиялар министрлігі Байланыс саласындағы реттеу және қадағалау қызметі орындауы қажет. Kloop.kg – 2007 жылы журналистер негізін қалаған тәуелсіз онлайн-басылым. Басылым 2010 жылғы төңкерістен жедел хабар беріп танылған. Кейінгі жылдары жоба журналистік зерттеулерге басымдық берген. 2023 жылғы қыркүйекте басылымның сайты бұғаттала бастады. Ал 2024 жылғы ақпанда сот Клооп Медиа қоғамдық қорын жою туралы қаулы шығарды. Сол жылы тамызда Жоғарғы сот алғашқы инстанция үкімін күшінде қалдырды. Temirov Live жобасы да журналистік зерттеулермен айналысады. Зерттеулері YouTube-арнасында жарияланады. Айт, айт десе – Temirov Live жобаларының бірі. Бұл құралдардың директоры журналист Болот Теміровтың жары Махабат Тәжібек. Ол қазір қамауда отыр. Бір жыл бұрын сот оны жаппай тәртіпсіздікке шақырды деген айып бойынша кінәлі деп тапқан. Махабат Тәжібек те, оның күйеуі Болот Теміров те бұл істің саяси астары бар деп санайды. 2022 жылғы қарашада Болот Теміров Қырғызстаннан шығарылды. Оның алдында қырғыз сот оның паспортын жарамсыз деп тапқан.

Latest News

Hashtags:   

Қырғыз

 | 

Kloop

 | 

Temirov

 | 

медиа

 | 

жобаларын

 | 

экстремистік

 | 

таныды

 | 

Sources