Қазақстан президенті Қасым-Жомарт Тоқаев Ресей президенті Владимир Путинмен телефонмен сөйлесті. Олар Тоқаевтың 12 қарашадағы Мәскеуге мемлекеттік сапарының жай-жапсарын пысықтаған. Бұл жөнінде Қазақстан президентінің баспасөз қызметі айтты.
Ақорданың хабарлауынша, Тоқаев пен Путин бұл сапар екі елдің стратегиялық серіктестік және одақтастық қатынастарын одан әрі дамыту тұрғысынан айрықша маңызды екеніне назар аударған .
Сонымен қатар президенттер әлемдегі қазіргі ахуалдың кейбір аспектілерін қарастырған .
Кремль екі жақтың күн тәртібіндегі мәселелер талқыланды деген қысқа хабар таратты.
Қазақстан мен Ресей президенттері телефонмен жиі сөйлеседі. Бұл – соңғы үш айдағы кемі төртінші тілдесу. Бұдан бұрын олар Владимир Путиннің туған күні – 7 қазанда әңгімелескен. Тоқаев әріптесін туған күнімен құттықтап, Қазақстан мен Ресей арасындағы стратегиялық әріптестік, достық және одақтастықты қалыптастыруға елеулі үлес қосқанын атап өткен.
8 тамыздағы сұхбатта Путин Тоқаевқа АҚШ-тың арнайы уәкілі Стив Уиткофпен кездесу нәтижесін баяндаса, 17 тамызда АҚШ президенті Дональд Трамппен Аляскадағы жүздесуінің жай-жапсарын айтып берген. Қыркүйектің соңындағы әңгімеде олар Тоқаевтың Мәскеуге сапарын талқылаған.
Осының алдында ғана Қазақстан президенті 6 қарашада Вашингтонда өтетін АҚШ-Орталық Азия саммитіне Дональд Трамптан шақыру алған. Тоқаев Трампқа бейбітшілік пен қауіпсіздікті қорғауға ұмтылысын қолдайтынын айтып жауап хат жіберген. Тоқаев пен Путин бұл саммитті талқылады ма, ол туралы айтылмайды.
Соңғы тәуліктерде Вашингтон мен Мәскеу арасындағы дипломатиялық текетірес ушыға түсті. 26 қазанда Кремльдің баспасөз қызметі ядролық күш қондырғысы бар құрлықаралық Буревестник қанатты зымыранын сынақтан өткізгенін хабарлады. АҚШ президенті Мәскеудің мұнысын орынсыз деп сынға алды. Ол соғысты тоқтатуы керек. Бір аптада бітетін соғыс төртінші жыл жүріп жатыр. Зымыранды сынақтан өткізгенше, ол осымен айналысуы керек деді Трамп.
Ресми Астана Ресейдің Украинаға агрессиясын ашық қолдаған да, қарсы шыққан да жоқ. Есесіне Қазақстан Украинаның аумақтық тұтастығын құрметтейтінін мәлімдеп, Ресей аннексиялап алған украин облыстарын Ресейдің бөлігі деп танымайтынын айтқан.
Thursday 30 October 2025
azattyq - 4 days ago
Тоқаев пен Путин тағы телефонмен сөйлесті
Latest News
«Два года назад на базе готовили в мультиварке макароны». Стало известно о «сказке» футболиста «Кайрата»
- sports Ученые нашли Содом и Гоморру: археологи обнаружили доказательства существования библейских городов
- lada «Нужно что-то выиграть, а не только спасать!». Руслан Юденков рассказал о спасении «Атырау» и своих планах на следующий сезон
- sports У «Кайрата» сработал план Б, но «Астана» была на другом уровне. Топ-5 самых результативных трио КПЛ-2025
- sports
Вице-спикер парламента Булгантуяа может быть лишена мандата по инициативе фракции Демпартии
- ca-newsИзраиль нанес удары по Газе. До этого он обвинил ХАМАС в нарушении перемирия и обмане по поводу останков заложников
- nur.kzПереносчик гепатита С и COVID-19 : зараженные обезьяны оказались на свободе после ДТП в США
- nur.kzКакое место занимает Казахстан в медальном зачете по итогам десятого дня юношеской Азиады-2025
- sports
Бросился с ножом : полицейскому пришлось выстрелить при задержании компании на севере Казахстана
- nur.kz Трамп после встречи с лидером Китая: оценка 12 из 10 , тарифы снизят, по войне в Украине будут работать вместе
- nur.kz Қорғау ма, қорқыту ма? Қазақстан депутаттары ЛГБТ пропагандасын тыятын норманы тағы ұсынды
- azattyq Sources